Што е дозволено, а што не во диетата која крена голема прашина во јавноста


Вака се слави гол во 120-та минута!!! ↓↓↓


За Кето диетата последниве години се крена многу прашина. Иако не е баш нова, изгледа дека движењата за слабеење повторно ја кренаа високо на тронот за добра и здрава исхрана со која може да се симне добар квантитет на килограми.

Поентата на кето диетата е исхрана базирана на многу протеини и низок удел на јаглехидрати и масти, чиј недостаток во организмот предизвикува состојба наречена кетоза, создавајќи кетони кои ги согоруваат мастите наместо гликозата претворена во јаглехидрати.

Со други зборови, кето исхраната буквално го принудува телото да ги согори мастите, наместо шеќерите, но како и секоја друга диета, и кето режимот на исхрана си има свои предности и недостатоци. Затоа и не треба долго да се придржувате до нејзините правила, бидејќи нашиот организам, сепак, не е навикнат да биде во состојба на кетоза подолг временски период.

Но, ако баш се одлучите со помош на кето диетата да ги симнете вишокот килограми и полесно да ги дефинирате мускулите (последица на кетозата е и протеинот да остане поштеден од разградување), ви пренесуваме список со намирници кои смеете и не смеете да ги консумирате за време на диетата.

Препорачани намирници

Месо – сите видови, но преферирајте го она со органско потекло во одгледувањето, а најдобар избор е: говедско, свинско, јагнешко, изнутрици, сланина.

Риба и морски плодови – туна, лосос, скуша, бакалар, сом, каменица, шкампи, јастог, ракови, лигња, октопод.

Масти – путер, маслиново масло, кокосово масло, масти со животинско потекло, авокадо.

Зеленчук со помал удел на јаглехидрати – зелена салата, кељ, спанаќ, блитва, целер, карфиол, брокула, зелка, краставица, ротквица, ендивија и други.

Овошје со помал удел на шеќер – јагоди, боровинки, малини, брусница, вишна, цреша.

Млечни производи со поголем удел на масти – тврди сирења како пармезан, меки сирења како моцарела, благородни сирења, свежи сирења, павлака, полномастен јогурт.

Јаткасти плодови – индиски ореви, бразилски оревчиња, лешници, ореви, кикирики, бадеми.

Избегнувајте

Житарки и јаглехидрати – тестенини, ориз, леб, пченица, колачи, пиво.

Компир, сладок компир и сите производи базирани на компир.

Шеќери – мед, јаворов сируп, газирани сокови, природни сокови, спортски напитоци, слатки, бонбони, чоколади, индустриски житарки.

Овошје со висок удел на шеќер – јаболка, портокали, банани, ананас, манго, папаја, мандарини, грозје.

Трансмасти, рафинирани масти и масло – маргарин, путер со додатоци, билни масла (канола, сончогледово, соино).

Останати производи со намален удел на масти – млеко и јогурт со помал удел на масти, диетални грицки.