Кој ќе тепа на Ел Класико!? ↓↓↓
Жозе Мурињо е секогаш „гладен“ за нови искуства и еден ден ќе го напушти Манчестер Јунајтед за да може да ја збогати својата биографија, призна „Специјалниот“ во интервју за француските медиуми.
Некогашниот тренер на Порто, Челзи, Интер и Реал одби директно да одговори дали во скора иднина ќе работи во Франција, но не ја затвори вратата за ПСЖ.
„Она што можам да го кажам е дека сум тренер со амбиции и со желба да направан нови достигнувања во кариерата“, изјави 54-годишниот Португалец на течен француски јазик.
„Пред некој ден мојот син одлучи да оди да гледа натпревар во Париз, а не во Манчестер. Зошто Париз? Затоа што Париз сега има нешто посебно. Постои магија, младост и квалитет, навистина фантастично“, заклучи „Специјалниот“.
ПСЖ ова лето ги донесе Нејмар и новото француско „чудо“ Килијан Мбапе, а не престануваат шпекулациите дека „светците“ сакаат да го донесат и Мурињо на клупата.
