ШОК: Интер му ја одзеде капитенската трака на Икарди, нов капитен е Хандановиќ!


Вака се слави гол во 120-та минута!!! ↓↓↓


Како гром од ведро него одекна веста дека Интер му ја одзеде капитенската лента на Мауро Икарди и за нов капитен на тимот го назначи Самир Хандановиќ.

Миланскиот клуб попладнево преку официјално соопштение извести дека нов капитен на тимот ќе биде Самир Хандановиќ.

„Фудбалскиот клуб Интер соопштува дека нов капитен на тимот ќе биде Самир Хандановиќ“, стои во соопштението.

Клубот веќе подолго време има проблем со Икарди околу продолжување на неговиот договор, а неодамна капитенот преку социјалните мрежи и директно ги нападна навивачите.

Тренерот Спалети призна дека има проблем и го повика раководството што побрзо да се реши бидејќи тоа влијае на односите во соблекувалната и на резултатите на теренот.

Раководството на Интер се одлучи за радикално решение и му ја одзеде траката на Икарди, а за нов капитен на тимот го назначи Самир Хандановиќ.

Останува да видиме како ова ќе се одрази на тимот, но пред се на самиот Икарди, кој во последно време игра непрепознатливо и јасно беше дека има проблеми во клубот.

Неговата сопруга и менаџер Ванда Нара веќе неколку месеци е во преговори со раководството за нов договор, но двете страни никако не можат да најдат заеднички јазик.

Голгетерот има договор со „нероаѕурите“ до 2021 година, но јасно е дека после ваквиот потег на лето најверојатно ќе ја промени средината бидејќи многу европски гиганти се интересираат за неговиот потпис.