Претседателот од Алијансата за Албанците, Зијадин Села, се уште не се откажува од министерството за здравство. После средбата со премиерот Зоран Заев, Села рече дека ќе остане во владата и ќе го бара местото за нов министер за здравство.
Владата неделава потврди дека за министер за здравство ќе го предложат Венко Филипче. На новинарско прашање што ќе преземе Алијансата за Албанците ако Владата испрати до Собранието кандидат за министер за овој ресор, Села рече дека прво ќе почекаат да биде избран заменик на Арбен Таравари, па тогаш ќе излезат со став дали ќе излезат од Владата.
„За тоа како ќе се однесува Алијансата за Албанците и каков став ќе заземе ќе биде познато кога ќе биде испратен предлогот. Се надеваме дека министер за здравство ќе биде кандидатот на Алијансата, бидејќи така премиерот ќе покаже дека е сериозен и дека не потклекнува на притисоци“, рече Села и повтори дека нивен предлог за министер е Вулнет Ферати.
Тој рече дека вицепремиерското место за носење бурек му го отстапува на ДУИ.
Учество во игри на среќа е дозволено за лица со 18+ години. Играј одговорно!