Во Реал Мадрид веќе работат на летните засилувања, а според весникот „АС“ веќе е договорено првото летно засилување.
Шпанскиот гигант ќе ја искористи опцијата да го врати играчот за врска на Ајнтрахт, Омар Маскареј.
Маскареј кој е роден во Тенрифе е дете на Реал Мадрид, но успеа да запише само еден натпревар за првиот тим во Примера. Потоа беше позајмен во Дерби Каунти и Спортинг Хихон, а во 2016 година беше продаден на Ајнтрахт за 1 милион евра.
Меѓутоа, во неговиот договор има клаузула според која Реал Мадрид ќе може да го врати за само 4 милиони евра. Маскареј ова сезона игра фантастично, па „кралевите“ се одлучија да го вратат на „Сантиаго Бернабеу“.
Real Madrid will buy back Omar Mascarell for €4M from Eintracht (buyback clause). He will have preseason with Madrid but the idea of the club is to sell him again as his worth is around €15M. The manager will have the final say. Eintracht want Marcos Llorente. [as] pic.twitter.com/K8gtekJ8hH
— SB (@Realmadridplace) February 26, 2018
Зинедин Зидан сака да му даде шанса во тимот, но не е исклучено Шпанецот веднаш да биде препродаден за поголема сума бидејќи за него интерес покажуваат многу клубови од Германија и Англија. Неговата пазарна вредност во моментов изнесува помеѓу 15 и 20 милиони евра, па „кралевите“ ќе можат да заработат повеќе од 10 милиони евра.
