Кој ќе тепа на Ел Класико!? ↓↓↓
Земјотрес со јачина од 6,4 степени според Рихтеровата скала утрово околу 4 часот го погоди градот Драч во Албанија.
Земјотресот кој се случи на 164 километри западно од Скопје, во близина на местото Рушкул, над Драч, предизвика значителна материјална штета, а има и повредени. Поради јачината беше почувствуван и во Македонија, Италија, Црна Гора и Бугарија. Жители биле заробени во срушена зграда јавува Топченел.
Граѓаните во паника масовно бегале од домовите, но станарите на една зграда не успеале да излезат и останале заробени под урнатините. Многу објекти и стамбени згради претрпеле штета, а граѓаните во став од нов потрес не се враќаат во домовите. Оштетени се и многу автомобили. Активна е полицијата, брзата помош и противпожарната екипа.
Неколку минути по првиот земјотрес, е почувствуван уште еден потрес со јачина од 5,3 степени според Рихтер.
