Пропуст на „Најк“ или… Новите дресови на Барса се копија на дресовите на Сити и Рома!

На интернет се појави првата фотографија на новиот дрес на Барселона, кој играчите на актуелниот шпански шампион ќе го носат наредната сезона.

Првата гарнитура е во традиционалните бои на Барселона, со тоа што основната сина боја е нешто потемна и потсетува на бојата која на своите дресови ја има ПСЖ. Оваа гарнитура има повеќе вертикални црвени линии, но за разлика од трандиционалните, тие не се со еднакви димензии.

Производителот на дресот комапнијата „Најк“ изненади и со гостинските варијанти на дресовите. Втората гарнитура, според бојата, потсетува на дресовите на Манчестер Сити, а третата верзија потсетува на дресовите на Рома.

Инаку на дресовите на Барса од наредната сезона ќе стои и името на новиот спонзор „Rakuten“, додека името на спонзорт „Beko“ се наоѓа на левиот ракав.