Прилично топол четврток

Денешниот 15-ти септемвриски ден во Македонија носи сончево и доста топло време со мала до умерена локална облачност. Ќе дува слаб до умерен ветер кој во западните делови ќе биде западен и ќе засилува, а вдолж Повардарието ќе биде југоисточен.

Во Скопје, сончево и доста топло со мала до умерена облачност и со слаб до умерен југозападен ветер и температури до 32 Целзиусови степени. Маврово 26, Охрид 30, Битола 33, Крива Паланка 30, Берово 29, Кавадарци 33, Дојран 35.

Утре времето ќе биде сончево и натпросечно топло со мала до умерена облачност. Ќе дува умерен ветер претежно од западен правец кој повремено и особено во западните делови ќе засилува. Во Скопје, сончево и натпросечно топло со мала облачност и со слаб до умерен југозападен ветер. Дневните температури ќе се движат од 38 до 36 степени.