Првиот октомвриски понеделник времето во Македонија ќе биде сончево со мала до умерена облачност. Околу пладне и попладне ќе има локално зголемување на облачноста проследено со врнежи од дожд. Ќе дува умерен, а вдолж Повардарието засилен ветер од северен правец.
Во Скопје сончево со мала до умерена облачност. Околу пладне облачноста повремено ќе се зголемува и во делови од котлината е можен краткотраен дожд. Ќе дува умерен до засилен северен ветер, а дневната температура ќе биде 20 Целзиусови степени. Маврово 14, Охрод и Битола 21, Крива Паланка и Берово 16, Кавадарци 22, Дојран 26.
Утре времето ќе биде сончево и посвежо со мала до умерена облачност. Ќе дува слаб до умерен, долж Повардарието повремено засилен ветер од северен правец.
Во Скопје сончево со умерена облачност и со умерен, повремено засилен ветер од северен правец. Дневните температури ќе се движат од 13 до 22 степени.
