Синоќа починал српскиот актер Небојша Глоговац, соопштуваат српските медиуми. Тој починал на само 48 години.
Глоговац пред 10 дена итно бил примен во Институтот за онкологија, кога и медиумите објавија дека тој е тешко болен. Небојша Глоговац беше роден на 30 август 1969 година. Студирал психологија на Филозофскиот факултет во Белград, а по две години се префрлил да студира глума на Факултетот за драмски уметности во Белград.
Првата улога ја имал во серијата „Подобар живот“. А ќе остане запаметен по бројни улоги на ТВ и во театар.
