Home Актуелно По 43-ти пат ќе се одржи фестивалот на народни песни и инструменти „Пеце Атанасовски“

По 43-ти пат ќе се одржи фестивалот на народни песни и инструменти „Пеце Атанасовски“

Од 7 до 9 јули по 43-ти пат во Прилеп и Долнени ќе се одржи фестивалот на народни песни и инструменти „Пеце Атанасовски“. На фестивалот ќе учествуваат над 350 учесници од земјава и странство.

Предвидено е од 5-ти до 7-јули да се одржи семинар и работилница на која ќе се изучуваат изворни инструменти и песни под менторство на тројца еминентни предавачи.

Фестивалот официјално ќе биде отворен на 7 јули во 21 часот со изведба на сценско – мизучки перформанс насловен како „Традицијата оживува“ кој ќе се одржи на камената бина во центарот на Прилеп.

Во 18.30 часот на 8 јули, кога ќе биде и првиот официјален натпреварувачки ден, свечено ќе биде отворен и новиот амфитеатар во месноста „Рудина“ во Општина Долнени. Вториот официјален натпреварувачки ден ќе биде на 9 јули кога и ќе бидат врачени наградите за најдобрите.

За прв пат фестивалот е одржан во 1974 година по иницијатива на Пеце Атанасовски, етномузикологот Илија Лашкоски и други ентузијасти. За овие 42 години на него учество земале над 10.000 инструменталисти од Македонија и странство.

Вчитај повеќе поврзани статии
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…