Шанса да станеш YouTuber! Приклучи се! ↓↓↓
Првиот априлски викенд во Македонија донесе променливо време. Започна со сонце, а ќе заврши со врнежи. Најмногу дожд во изминатите 24 часа наврнал во Пожаране 21 литар на метар квадратен, во Тетово 15, Дебар 13, Охрид 11, Крушево 9, Скопје 6, а најмалку во Штип еден литар, соопшти УХМР.
Најстудено утрово со минус еден степен е во Крушево, во Скопје се измерени три степени, а најтопло е во Гевгелија и Дојран со осум степени.
Во текот на ноќта времето беше облачно со врнежи од дожд, а на планините и на повисоките места на северозапад врнежите преминаа во снег. Дуваше слаб до умерен, вдолж Повардарието на места засилен северен ветер. Утрово во најголем дел од земјава е облачно со дожд, освен на крајниот југоисток, каде е умерено облачно.
Времето денеска же биде облачно и студено со врнежи од дожд, кои на планините и на некои повисоки места во северните делови ќе бидат од снег. Најобилни врнежи се очекуваат во западните делови (локално над 20 л/м2). Ќе дува засилен северен ветер, особено долж Повардарието, а дневната температура значително ќе се намали и ќе биде во интервал само од 5 до 13 степени.
Во Скопје, облачно со повремени врнежи од дожд и со умерен до засилен северен ветер. Максималната температура ќе достигне околу 6 степени.
