Ако е Lada Niva, не значи дека е семоќна. Токму оваа вистина на сопствена кожа ја доживеа Џони од YouTube каналот The Late Brake Show, кој решил да го тестира фамозното теренско возило. Имено, откако сфатил дека инаку одличниот SUV Suzuki Jimny повеќе не е достапен, тој тргнал во потрага по достојна замена.
Потрагата не траела долго, а единственото ново решение била Lada Niva. Оригиналната прва генерација по новиот редизајн ја носи ознаката Legend, што многу добро и одговара. Под хаубата се уште е 1,7 бензински мотор, сега опремен со Bosch електроника со можност да даде максимум 85 К h и 129 Nm.
Искуството за возење е добро познато и победничката формула е сè уште присутна. Во компактен пакет со доволна висина на подот, возачот има три рачки (менувач, редукција, заклучување на диференцијалот), што е доволно за да се направи Niva незапирлива. Скоро незапирлива затоа што оваа навистина морала да застане и да чека да биде извлечена од длабоката вода. И тогаш имало неколку мали интервенции и возењето можело да продолжи.
Niva сега нуди електрични прозорци, а има и поранешни опции како климатизација и серво управувач. Седиштата пристигнале од Renault, а облогата на вратите е нова. Сè на сè, Niva стана уште попривлечна. Да не се зборува за специјалните изданија, како што е Бронто со подигната суспензија и исфрлени браници.
