Од финалист во Лигата на шампионите до клуб од седма лига


Вака се слави гол во 120-та минута!!! ↓↓↓


Некогаш огромна надеж на англискиот фубал има нов клуб, 11-ти во кариерата, пренесува Спортски.мк.

Џермејн Пенант, поранешниот играч на гиганти како Арсенал и Ливерпул во 34. година од животот потпиша за седмолигашот, Билерикај Таун

Некогаш големата надеж на англискиот фудбал требаше да направи голема кариера, но „главата“ никогаш не беше јасна кога тој беше во прашање. Често завршуваше во затвори поради лудо возење и пијанство.

Последниот сериозен фудбал го играше во Виган 2015. година, а по тоа повеќе не можеше да пронајде сериозен ангажман, па со само 32 години некогаш големата ѕвезда заигра по ниските лиги.

Во кариерата уште играше за Нотс Каунти, каде што ја започна кариерата, Лидс, Бирминген, Портсмут, Сарагоса, Стоук, Вулверхемптон, Пуна, Тампинес и Бери.

Ова за него ќе биде 11. клуб во кариерата, која остана недокажана, бидејќи имаше талент за големи работи кои никогаш до крајот не се реализираа, а останува чувството дека не беше ниту блиску. Тој е еден од фудбалерите кои својот талент го фрлија во ветер, а во самракот на кариерата заиграа за нисколигаши.