Актуелно

Од ДЗС тврдат: За девет дена се попишани над 500.000 граѓани

Над 500.000 граѓани се попишани во првите 9 дена од Пописот на населението и објектите 2021, тврдат од Државниот завод за статистика.

ДЗС оценува дека попишувањето продолжува со посакуваниот интензитет и темпо, па и премиерот Зоран Заев очекува тој успешно да заврши до 30 септември.

Пописот 2021 е на третина од предвидените 26 дена пописни активности и се одвива добро, со исклучок на привремените технички проблеми на почетокот, кои беа надминати со апдејт на софтверот.

Најголем дел од попишаните 500.000 граѓани се во неделите на 12 септември – 111.186 лица и на 5. септември – 94.975 лица.

ДЗС истакнува дека за сите дилеми и нејаснотии кои ги имаат во врска со процесот на попишување, граѓаните можат да се обратат во Бирото за Попис, на телефонските броеви кои се објавени на веб-страницата popis2021.stat.gov.mk.

To Top