Home Спорт О’Саливен го освои Мастерсот и испиша нова историа во снукерот!

О’Саливен го освои Мастерсот и испиша нова историа во снукерот!

Рони О’Саливен јa освои рекордната седма титула на Мастерсот во Лондон, откако во финалето го совлада Џо Пери со 10-7.Еден од најдобрите снукер играчи во историјата стана рекордер со освоените седум титули на мастерс турнирите.

Пери подобро го започна финалето имаше предност од 1-4, но потоа О’Саливен освои седум фрејмови во низа и поведе со 8-4. Пери успеа потоа да се доближ на 7-9, но О’Саливен во последниот фрејм кој донесе голема борба успеа да ги искористи грешките на ривалот и да стигне до рекордната седма титула.

„Џо требаше да ме победи, имав многу среќа. Вистинско олеснување е што успеав да го освојам трофејот“, изјави 41-годишниот О’Саливен.

Мастерсот е еден од трите најпрестижни турнири во снукер, останатите два се Светското првенство и Отвореното првенство на Велика Британија.

Покрај трофејот О’Саливен освои и парична награда во износ од 200.000 фунти, додека поразениот Пери освои 90.000 фунти.

Вчитај повеќе поврзани статии
Comments are closed.

Check Also

Прва светска титула во кошарка за Германија

Германската кошаркарска репрезентација на сензационален начин стигна до својата прва титул…