Не фрлаат веќе пари на материјални ствари: Богатите наметнуваат нов стил на живот


Вака се слави гол во 120-та минута!!! ↓↓↓


Скапите, луксузни материјални работи, ексклузивните и раскошни вили и претенциозните брендирани парчиња облека со години беа статусен симбол на богатите и славни личности кои, на тој начин, отскокнуваат од средната класа во светски рамки.

Но, денес факт е дека богатите фаци нивната слава и богатство ги истакнуваат на сосема поинаков, многу подискретен начин. Имено, животниот стил на богатите и моќни луѓе се менуваше како што растеше светската економија.

Средната класа (во светски рамки, не кај нас – кај нас таа не постои) почна да заработува повеќе со што се доведе во позиција да може да си дозволи купување елитни марки облека, накит, скапи автомобили и домови, иако во минатото тие работи можеа да си ги дозволат само на кредит.

Како резултат на тоа, разликата меѓу богатата и средната класа веќе не е толку голема. Поради тоа, голем број богати и славни личности полека се одрекоа од материјалните луксузни ствари и вложуваат во она за кое средната класа сè уште може само да сонува.

Дискретно богатство

Богатите сега многу повеќе внимание посветуваат на своето здравје и здравиот начин на живот. Престижното списание Vogue здравјето го нарече луксузен статусен симбол. Милионерите тоа одлично го разбираат и парите кои ги заработуваат ги вложуваат во продолжување и подобрување на својот живот и здравје. Следат строги распореди, имаат активен стил на живот, јадат органски одгледувана храна без никакви хемиски адитиви, посетуваат најдобри лекари и многу патуваат.

Во исто време, богаташите трошат многу малку пари на козметички третмани и не прават многу естетски операции, како што тоа го прават славните по секоја цена во минатото, па некои и денес. Тие негуваат став дека лицето треба да изгледа што поприродно.

Богатите одат во теретана консумираат органски одгледувана храна за ручек, но одбегнуваат луксузни алкохоли, цигари и големи журки кои веќе не ги интересираат.

Вложување во образованието и иднината

Повеќе вложуваат во образованието, своите деца ги запишуваат во елитни градинки и школи и плаќаат илјадници долари за колеџ. Парите ги трошат и на сопственото образование, учењето странски јазици и посетување различни курсеви.

 

View this post on Instagram

 

A post shared by Mark Zuckerberg (@zuck) on

Се откажуваат од скапите и луксузни марки и купуваат едноставна облека. Марк Закерберг, на пример, е познат по неговиот едноставен стил на носење само сиви памучни маици. Илон Маск воопшто не обрнува внимание на облеката, а Џенифер Лопез сè почесто почна да носи фустани од модниот бренд ASOS кои чинат до 60 долари. Кејт Мидлтон често носи облека од Zara.

 

View this post on Instagram

 

A post shared by Stylingbytasha (@stylingbytasha) on

Освен тоа, ретко или речиси никогаш не покажуваат колку се богати и не носат скапоцен накит. Пример, еден од најбогатите луѓе на светот, Бил Гејтс, носи часовник од 10 долари, а милијардите ги вложува во други, за него многу поважни работи.

 

View this post on Instagram

 

A post shared by Bill Gates (@thisisbillgates) on

Исто така, богатите почнаа повеќе да штедат, за да не мораат долго да работат во животот.