Претседателот Доналд Трамп за време на молитвениот појадок во Вашингтон зборуваше за борбата против тероризмот, проблемите во светот, но се осврна и на неговиот наследник во шоуто „Приправник“, Арнолд Шварценегер.
„Тоа е катастрофа, би сакал да се помолиме и за Арнолд бидејќи рејтингот на шоуто постојано паѓа“ се пошегува Доналд Трамп.
Меѓутоа познатиот глумец и поранешен гувернер на Калифорнија преку видео на неговиот Твитер профил му одговори на Доналд Трамп.
The National Prayer Breakfast? pic.twitter.com/KYUqEZbJIE
— Arnold (@Schwarzenegger) February 2, 2017
„Доналд, имам една добра идеја. Зошто да не си ги замениме работните позиции? Ти префрли се на ТВ, бидејќи си експерт за рејтинзи, а јас ќе ја земам твојата работа, за луѓето да можат мирно да спијат“ беше одговорот на Шварценегер.
