Мистериозен празен простор откриен во Големата пирамида во Гиза (видео)

Научниците открија нов, празен дел во структурата на Големата пирамида која се наоѓа во Гиза.

Просторијата се наоѓа над Гранд Галеријата која всушност ги поврзува двете комори на пирамидата. Долго скриената одаја може да ги открие тајните кои пирамидата ги крие 4.500 години. Сè уште не е познато зошто празнината е создадена и дали во себе крие вредни артефакти.

Таа има слични димензиии како и самата галерија, а научниците сметаат дека би можело да претставува „градежен јаз“ кој им овозможувал на работниците пристап до големата галерија и кралската комора.

Откритието беше направено откако научниците направија слики од внатрешноста на пирамидата користејќи неинвазивна техника на истражување.

Истражувачите го поздравија истражувањето како најголемо откритие во историјата Гиза од 19-тиот век.