Килијан Мбапе го предводеше Париз Сен Жермен до нова победа во француската Лига 1 и постигна два гола на мечот против Ним.
Со тоа Мбапе стана најмлад играч во историјата на Лига 1, кој постигнал 50 гола.
Мбапе во дресот на Монако постигна 16, а за неполни две сезони во ПСЖ даде 35 гола. Своите 50-ти и 51-ви гол ги постигна со наполнети само 20 години и два месеца.
„Секој ден работам напорно за да му помогнам на тимот. Уживам во тоа. Фудбалот е за уживање, постигнување погодоци, соборување рекорди. Тоа ме движи и јас сум многу среќен“, истакна Мбапе по победата против Ним.
Досегашниот рекордер беше Јаник Стопира, кој даде 50 гола на возраст од 21 година и 11 месеци.
Рекордот на Стопира во францускиот фудбал е запишан во далечната 1982 година , а Мбапе вчера го урна и се запиша како најмлад стрелец кој освоил 50 гола во француската прва лига.
https://twitter.com/OptaJean/status/1099362230464925696
Првиот човек на Пари Сен Жермен, Насер Ал Келаифи ги разреши сите дилеми околу иднината на двете најголеми ѕвезди на тимот, Килијан Мбапе и Нејмар.
Нејмар и Мбапе? Ќе мора ли некој од нив двајца да го напушти клубот поради ФФП?
„Не! И не го тврдам тоа со 100% сигурност, туку со 2000%! Тие остануваат во Париз. Многу медиуми пишуваат дека ќе мора да продадеме некои од нив двајца. Тоа не е точно. Остануваат!“.
