Маск се повлекува од директорската позиција во Twitter – ангажираше нова директорка


Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓


Технолошкиот милијардер Илон Маск во четвртокот соопшти дека нашол замена за нов извршен директор на „Twitter“.

„Возбуден сум што можам да објавам дека вработив нова извршна директорка за X/Тwitter. Таа ќе започне за 6 недели!“ твитна Маск.

„Мојата улога ќе премине на местото извршен претседател и технички директор, надгледување на производи, софтвер и системи,“ додаде тој во твитот.

Милијардерот роден во Јужна Африка наведе дека неговата замена на чело на гигантот на социјални мрежи ќе ја започне работата за околу шест недели.

Маск стана сопственик и главен извршен директор на Twitter кон крајот на октомври. Тој во декември најави во твит дека ќе се повлече од функцијата извршен директор „штом најдам некој доволно глупав да ја преземе работата“.