Шанса да станеш YouTuber! Приклучи се! ↓↓↓
Во обраќање до најшироката македонска јавност, Макпетрол” АД Скопје ги информира граѓаните и надлежните институции дека е забележана активност на непознат субјект кој претставувајќи се лажно под името на компанијата „Макпетрол”, испраќа СМС пораки до граѓаните и ги известува дека се добитници на награда.
Сакаме да потенцираме дека, компанијата „Макпетрол“ АД Скопје има една наградна игра која се реализира под мотото „Верна секогаш со вас“. Добитниците од истата се истакнуваат на официјалните веб страни на компанијата и програмата за лојалност Верна, www.makpetrol.com.mk и www.verna.mk, додека добитниците на наградите од мастер колата се објавуваат и во емисијата „Верна, секогаш со вас“ која се емитува на ТВ Телма. Дополнително, после секое извлекување среќните добитници се известуваат лично, преку телефонски разговор од официјалниот кол центар на компанијата.
„Макпетрол“ АД Скопје веќе го пријави случајот кај надлежните институции, а ги советуваме граѓаните доколку добијат вакви или слични смс пораки да го сторат истото и да не ги земаат за релевантни.
