Македонија се тресе вечерва: Регистрирани серија земјотреси со епицентар кај Маврово – два со јачина од 4,4 и 4,7 степени според Рихтер

Пред неколку минути, во 22.17 часот, беше почувствуван силен земјотрес од 4,7 степени во мавровскиот регион, според Европско-медитеранскиот сеизмолошки центар. Неколку минути подоцна беше регистриран уште еден од 4,4 степени.

Епицентрите на земјотресите се на 19 километри југозападно од Гостивар, на длабочина од 2 километри.

Вечерва и неколку послаби земјотреси беа регистрирани во овој регион. Во Маврово од ноември до денеска беа регистрирани десетина земјотреси од кои најсилниот беше од 5 степени лани на 11 ноември.