Најбрзиот човек на светот, „ракетата“ од Јамајка, Усеин Болт (33), на социјалните мрежи се пофали со неговиот следен најголем животен предизвик – веста дека тој и неговата партнерка Каси Бенет ќе станат родители.
View this post on Instagram
„Кралот или кралицата доаѓа“, напиша легендата на спринтот, објавувајќи слика на бремената Каси.
View this post on Instagram
Добрата вест наскоро ја сподели и девојката на Болт на нејзините социјални мрежи. Двојката е заедно од 2014 година, а Каси Бенет е четири години помлада од Болт.
View this post on Instagram
Болт во текот на неговата кариера има освоено осум олимписки златни медали и уште 11 на светските првенства. Тој го држи светскиот рекорд на 100 (9,58) и 200 (19,19) метри.
„Секогаш велев дека сакам три деца. Пред некој ден се дружев со другарка која има три деца и беше лудо. Тогаш се прашував дали навистина сакам три деца. Но, да, јас сум сепак сигурен во тоа”, изјави Болт во едно од неодамнешните интервјуа за англиските медиуми.
