Шанса да станеш YouTuber! Приклучи се! ↓↓↓
Јирген Клоп со Ливерпул во претсезоната покажа дека има тим кој е достоен оваа сезона да се бори за титулата во Премиер лигата.
Посебно импресивна беше победата на „црвените“ над Баерн каде среде Минхен ги декласираа Баварците со 3:0.
Сепак, Клоп сака додатно да го засили тимот и има список од тројца фудбалери, со кои тимот од „Енфилд“ ќе биде еден од главните кандидати за титулата.
Прва мета е играчот за врска на Лајпциг, Наби Кеита за кого се верува дека со трансферот во Ливерпул ќе го сруши клупскиот рекорд и дека „црвените“ за него ќе платат 80 милиони евра. Иако многумина веруваат дека ова сума е превисока, Клоп верува дека токму Кеита е алката која недостасува за титула.
Втор на листата е стоперот на Саутемптон, Вирџил ван Дијк кој веќе подолго време е на радарот на Ливерпул. Холанѓанецот сака да се пресели на „Енфилд“, а трансферот доколку се реализира ќе изнесува околу 65 милиони евра.
Третата мета на Клоп, во случај на заминување на Кутињо е Кристиан Пулишиќ од Борусија Дортмунд. Германецот смета дека Пулишиќ ќе биде одлична замена за Кутињо и е спремен да плати 35 милиони евра.
Доколку Клоп успее да ги донесе овие засилувања на „Енфилд“, сигурно дека Ливерпул ќе биде еден од главните конкуренти за титулата.
