Најновото филмско остварување во кое глуми Кевин Спејси, „Billionaire Boys Club“, чија актерска кариера е во вртоглав пад по обвиненијата во сексуални вознемирувања, ја имаше една од најслабите премиери во историјата на американските кина, пренесува The Hollywood Reporter, повикувајќи се на статистиката од осум кино сали каде беше прикажуван филмот.
Во текот на викендот биле продадени билети за само 425 долари. При просечна цена на билетот од околу девет долари, се чини дека во секоја од осумте кина имало помалку од шест лица.
Неуспехот на филмот веќе беше делумно претходно објавен, бидејќи пред објавувањето на филмот, продуцентите го претставија своето дело во разни стриминг услуги на мрежата. Преминот од интернет во кино е особено тежок.
Во соопштението на компанијата се вели дека тоа не е „ниту едноставно ниту бесчувствително решение“. Зад кулисите на Холивуд се шпекулира дека креаторите немале пари за да го заменат Спејси во краток рок.
Се претпоставува дека филмот бил снимен пред две и пол години – и пред јавните обвинувања. „Се надеваме дека шокантните обвинувања за однесување на едно лице нема да бидат штетни за целиот филм“, соопшти компанијата.
Но, ова решение сега се исплати – негативно. Ниту во Лос Анџелес, ниту во Њујорк, филмот не успева да се пробие во кината. Наместо тоа, тој мораше да се обиде во градовите како Детроит или Њу Орлеанс. Па дури имало и посетители кои уживале во приватна проекција: во Антиохија, Калифорнија и во Минеаполис, само еден билет бил продаден за филмот.
Компанијата едвај може да ги плати трошоците за производство, кои се проценуваат на околу 15 милиони долари. Повеќе интерес, режисерот Џејмс Кох може да сретне во странство, каде што засега филмот генерирал 1,5 милиони долари.
