Home Спорт Касиљас се сели во Серија А

Касиљас се сели во Серија А

Џанлуиџи Буфон ја игра последната сезона и на лето ќе стави крај на својата грандиозна кариера, но Серија А може да добие друга легенда.

Јувентус веќе ја најде замената за Буфон, тоа е Војчех Шчешни кој и оваа сезона покажа дека може да биде достојна замена за Џиџи.

Италијанските медиуми пренесуваат дека од следната сезона во Серија А може да го гледаме Икер Касиљас. Неговиот договор со Порто завршува на крајот на сезоната, а сака кариерата да ја продолжи во Италија.

Касиљас има 36 години и сака последните две сезони да игра во Серија А. Тоа може да биде и Јувентус, доколку се согласи да биде втор голман после Шчешни.

Многу поверојатно е да се пресели во Рома или Наполи. Реина сигурно заминува на крајот на сезоната, а „волчицата“ може да остане без голман бидејќи има богати понуди за Алисон.

Во секој случај, Серија А може да биде побогата за уште една легенда на светскиот фудбал.

Вчитај повеќе поврзани статии
Comments are closed.

Check Also

Прва светска титула во кошарка за Германија

Германската кошаркарска репрезентација на сензационален начин стигна до својата прва титул…