Кој ќе тепа на Ел Класико!? ↓↓↓
Славниот холивудски режисер Стивен Спилберг отворено го пофали еднакво славниот актер и продуцент Том Круз за неговиот филм Top Gun: Maverick кој го лансираше на врвот на листата на најплатени актери во светот.
Режисерот и актерот се сретнале на ручекот за номинирани за Оскар 2023 година, а видеото од нивниот разговор се споделува на Твитер.
Импресиониран од успехот на филмот, Спилберг, по топлата прегратка со актерот, му рекол на Круз: „Направивте пробив… Му го спасивте задникот на Холивуд“. На тоа Круз скромно ја наведна главата, а Спилберг продолжи: „Сериозно, Маверик можеби ја спаси целата филмска индустрија“.
Да потсетиме, новиот Top Gun 12-ти е најуспешен филм на сите времиња, кој заработи 1,48 милијарди долари на светските бокс офис, а воедно е и најуспешниот филм на Круз.
Инаку, Спилберг и Круз во минатото соработувале на филмови, вклучувајќи го и филмот „Специјален извештај“ од 2002 година. Според бројни извештаи, актерот и режисерот се расправале на сетот на „Војна на световите“.
Причина за кавгата била маркетинг кампањата за филмот и бизарното однесување на Круз со Опра, што не му се допаднало на режисерот. После тоа, тие никогаш повеќе не соработувале на проекти, но се чини дека секирата сега е закопана.
