Полициските служби во Калифорнија за релативно краток период, во неколку телефонски повици добиле пријави од вознемирени возачи кои тврделе дека по автопатот виделе како трча митско суштество еднорог.
Дека не станало збор за шега полицајците сфатиле кога ја добиле повик од една жена сопственичка на „еднорогиот“ коњ.
Таа им објаснила дека за време на фотографирањето пони коњчето на нејзината ќерка било маскирано во суштество од бајките. Блицот на апаратот го вознемирил коњчето и тоа побегнало.
Потерата за понито во која учествувале и полициски хеликоптери завршила среќно по цели три часа, понито било вратено дома.
