Играч на ЦСКА доби двегодишна суспензија поради кокаин!

Фудбалерот на ЦСКА Москва, Роман Еременко доби жестока казна откако после една допинг контрола беше позитивен на кокаин.

Финскиот репрезентативец доби двегодишна суспензија, официјално потврди денес УЕФА.

„Анализата на А примерокот покажа дека Еременко беше позитивен на кокаин поради што доби двегодишна забрана за играње фудбал“, стои во соопштението.

Потсетуваме, Еременко после натпреварот помеѓу ЦСКА Москва и Баер Леверкузен во септември беше повикан на тестирање и неговиот тест беше позитивен на кокаин.