ИАКО ГРЦИЈА НЕ ОДБИ, ВЛАДАТА НЕ СЕ ОТКАЖУВА: Република Илинденска Македонија е задоволително решение!


Вака се слави гол во 120-та минута!!! ↓↓↓


Последниот предлог од македонска страна, кој крена огромна прашина и бура од реакции по социјалните мрежи, беше одбиен од грчката страна, но тоа не ги поколеба нашите власти уште еднаш да потенцираат дека Република Илинденска Македонија за севкупна употреба е најзадоволителното решение.

Иако овој „гамбит на Заев“ крена огромни воглавно негативни реакции во македонската јавност, а експресно беше одбиен и од грчка страна, сепак нашата Влада денес повторно соопшти дека предлогот е најприфатлив за двете страни.

Од Владата велат дека Република Илинденска Македонија е име со временска одредница кое се повикува на конкретни датуми од минатото и е реална можност за компромис кој ги задоволува двете страни. Очекуваме дека предлогот ќе биде разбран и ќе најде поширока поддршка во Атина.


-Со ова име, правиме целосно разграничување со регионот Македонија во Грција. Разграничување од секој аспект. Илинденското востание е заедничка борба на нашиот мултиетнички народ за социјални права и слободи. И нема никакви територијални аспирации према ниту една соседна земја, вклучително и Грција. Тоа е истата борба, и во 1903 и во 1944 година, се вели во денешното соопштение на Владата.

Од Владата велат дека Република Македонија и граѓаните на Република Македонија немаат никакви територијални претензии и ги потврдуваат неменливоста на границите и почитувањето на наследството на грчкиот народ и Грција.

-Владата на Република Македонија ќе ги продолжи разговорите со Владата на Република Грција се до изнаоѓање дефинитивно решение на 25-годишниот спор. Никогаш не сме биле поблиску до решение, а пријателството меѓу двете земји и двата народи никогаш не било поголемо. Ќе ги вложиме сите напори да извлечеме максимум од овој позитивен историски момент за двете држави, се вели во соопштението.