Хан во дводневна посета на Македонија

Еврокомесарот за проширување и соседска политика Јоханес Хан утре и задутре ќе престојува во посета на Македонија во рамки на која ќе има политички и средби со претставници на граѓанскиот сектор.

Хан, како што засега официјално е потврдено, ќе има средби со премиерот и лидер на СДСМ Зоран Заев, со претседателот на Собранието Талат Џафери, со лидерите на ДУИ Али Ахмети, на ВМРО-ДПМНЕ Никола Груевски и на Алијансата на Албанците Зијадин Села, објави МИА.

Во рамки на посетата еврокомесарот ќе се сретне и со претставници на невладиниот сектор.

Посетата на Скопје тој ја најави на Твитер по средбите во Брисел со вицепремиерот задолжен за европски прашања Бујар Османи и со шефот на дипломатијата Никола Димитров.

„Со нетрпение ја очекувам мојата посета на Скопје, следната недела, во рамки на која ќе имам политички средби, но и средби со претставници на цивилното општество“, објави Хан на својот налог на Твитер.

Excellent meeting w DPM @Bujar_O and FM @Dimitrov_Nikola of ?? Confident that government will use positive momentum and we will see further #reform results by end of the year. This requires constructive cooperation of all political forces, including the opposition. 1/2 pic.twitter.com/8rAPasauDy

— Johannes Hahn (@JHahnEU) November 13, 2017