Американската гимнастичарка Симон Бајлс изведе прекрасна „трип-дабл“ комбинација со која ги воодушеви бројните обожаватели на овој спорт, а воедно и стана првата личност во историјата која успеала да го изведе овој гимнастички потег.
Четирикратната олимписка првенка изведе досега невидена комбинација која не е успешно изведена ниту во машка конуренција, а нејзиното двојно свртуваењ стана тема на коментари и дискусии на социјалните мрежи.
На Твитер можат да се прочитаат коментари дека Бајлс ги разби предрасудите дека овој потег е невозможен, дека луѓето не можат да го изведат, но и дека нејзиниот подвиг е неверојатен и многу важен за иднината на гимнастиката.
Симон Бајлс важи за главна фаворитка на Олимписките игри во Токио 2020 година во гимнастичката женска конкуренција.
