Две лица загинаа во сообраќајна несреќа што се случила синоќа на патот Кочани-Делчево, пред влезот на Делчево, кај селото Басарица.
На самото место на несреќата загинал С.Ј. (70) од Делчево, а 61-годишната Д.А., исто така, од Делчево, починала во болница.
Во несреќата уште две лица се здобиле со тешки повреди. Тие се пренесени во Клиничката болница Штип и се задржани на лекување.
Според првичните информации, несреќата ја предизвикало возило кое со голема брзина се приклучило од спореден на главен пат.
Полицијата повеќе детали за сообраќајката најави за во текот на денот.
