Кој ќе тепа на Ел Класико!? ↓↓↓
Голден Стејт ја доби серијата со ЛА Клиперс со вкупни 4:2 и закажаа пресметка со Хјустон во полуфиналето на Западната конференција.
Кевин Дурант имаше маестрална партија со 50 постигнати поени беше убедливо најдобриот во победата на Голден стејт во Лос Анџелес за пласман во полуфиналето.
Дурант во првото полувреме постигна 38 поени со што се израмни со Чарлс Баркли на второто место на вечната листа по бројот на поени во прво полувреме на плејоф натпревар. Рекордот изнесува 39 поени и е во сопственост на Мајкл Џордан.
Покрај Дурант, одлична вечер имаа и Стеф Кари со 24 поени и Дрејмонд Грин кој оствари трипл-дабл од 16 поени, 14 скокови и 10 асистенции. Кај ЛА Клиперс, најпрецизен беше Данило Галинари со 29 поени.
Првиот натпревар помеѓу Голден стејт и Хјустон во полуфиналната серија ќе се игра в недела, додека полуфиналните пресметки во Источната конференција помеѓу Торонто –Филаделфија и Милвоки – Бостон започнуваат вечерва.
