Доста му е ергенски живот: Роналдо доби благослов да се жени!

Главна вест денес во сите светски медиумите, особено во шпанските е дека Кристиано Роналдо одлучил да стапне на „лудиот камен“.

Најдобриот фудбалер за 2016 година, веќе неколку месеци е во врска со девојка која е целосно непозната за јавноста. Таа работела во продавница на еден ексклузивен светски бренд во Мадрид.

Јавноста ја запозна на 9-ти јануари кога го придружуваше Роналдо на церемонијата на доделувањето на наградите на ФИФА за 2016 година, во Цирих. Нејзиното име е Герогина Родригез.

Светските медиуми објавија дека Кристиано Роналдо, кој многу е приврзан за својата мајка, добил благослов да ја ожени убавата Шпанка.