Синоќешниот пораз од Ливерпул и излезот од најдобрата четворка во Премиер лигата ги принуди челниците на Арсенал да донесат конечна одлука за иднината Арсен Венгер.
Иднината на Арсен Венгер е главна тема во медиумите, особено после дебаклот во Минхен и прераното испаѓање од трката за титулата во Премиер лигата.
Медиумите на Островот тврдат дека Французинот на крајот на сезоната сигурно ќе го напушти „Емирати“, а изминатите денови шпекулираа со неколку имиња кои би можеле да бидат негови наследници.
Наводно веќе е познат неговиот наследник, а тоа ќе биде актуелниот тренер на Јувентус, Масимилијано Алегри кој најави заминување од торинскиот клуб на крајот од сезоната. Англиските медиуми тврдат дека Алегри се согласил на двегодишен договор и тој треба наскоро да биде официјализиран.
Единствената непозната во моментов е дали Венгер ќе го напушти Арсенал или ќе остане во раководните структури, нешто што челниците сигурно ќе му го понудат.
