Капитенот на Јувентус и италијанската репрезентација, Џанлуиџи Буфон на одличен начин ги опиша двајцата најдобри фудбалери во светот, Меси и Кристиано Роналдо.
Двете ѕвезди доминираат со светскиот фудбал веќе цела деценија и нивното ривалство е огромно, па често се поставува прашањето кој е подобар.
„Роналдо и Меси се комплетно различни фудбалери. Меси е покомплетен фудбалер, игра поназад, има поголеми технички квалитети и поголема визија за играта. Може да игра како плејмејкер, а во исто време е фантастичен реализатор“.
„Кристиано, можеби зошто е повозрасен, во последно време се претвори во убиец во казнетиот простор. За разлика од порано Роналдо побеќе ја штеди енергијата и не се троши со непотребни дриблинзи на крилото. Со една топка во казнетиот простор постигнува гол“, објасни Буфон.
Буфон утре со Италија ќе игра против Меси, а во четвртфиналето од Лигата на шампиони ќе се исправи против Роналдо.
