Актуелно

Бројот на загинати во земјотресите во Албанија се искачи на 49

Трагачко-спасувачката акција по преживеани и за извлекување на телата на загинатите во земјотресите што ја погодија Албанија се привршува, а до сега, како што објави премиерот Рама, бројот на загинати е 49.

Спасувачките екипи се концентрирани во потрага по настрадани под урнатините на еден хотел на крајбрежјето на приморскиот град Драч.

Министерката за здравство, Огерта Манастирлиу, рече дека вкупниот број на повредени е искачен на 2.000 лица.

Во земјотресот со јачина од 6,4 степени по Рихтер, што на почетокот на неделава ја погоди Албанија, најголеми штети претрпеа подрачјата на Драч, Тирана и местото Тумане.

Advertisements
To Top