Шпанскиот весник „АС“ лансираше вистинска „бомба“ и тврди дека агентите на Мохамед Салах и ја понудиле на Барселона ѕвездата на Ливерпул.
Според весникот двете страни се сретнале и имале прелиминарни разговори во врска со можноста за трансфер на Египќанецот на „Камп Ноу“.
Барселона ќе преземе ваков чекор, ако се потврдат информациите од последните денови дека Антоан Гризман ќе ја одбие понудата да премине во Барселона и ќе остане во Атлетико Мадрид.
Според „АС“ од „Камп Ноу“ веќе биле информирани дека Салах е отворен за таков трансфер, но допрва Каталонците треба да го „опипаат пулост“ на Ливерпул, за колкава сума би се разделил со најголемата ѕвезда.
Раководството на Ливерпул во неколку наврати потврди дека нема да го пушти Салах по никоја цена, но медиумите продолжуваат да шпекулираат со неговата иднина.
Salah has been offered to Barcelona by his agentshttps://t.co/TGrzM88EIq pic.twitter.com/nfHNJdkK3U
— AS English (@English_AS) June 6, 2018
