По Apple и американската онлајн платформа за тргување, Амазон ја надмина пазарната вредност од еден трилион долари. Амазон на тој начин стана втора американска компанија која ја достигна оваа вредност, објави Ројтерс.
Технолошкиот гигант Apple, чии акции се тргуват на берзата, на 2 август стана првата компанија во светот чија пазарна капитализација достигна еден трилион долари. Причината за овој успех на Apple, како што пишува New York Times, беше едноставна, бидејќи таа е компанија која произведува уреди на кои многу луѓе сакаат да потрошат голема сума на пари.
Сега е Amazon, чиј основач е извршниот директор Џеф Безос „тежок“ речиси колку што се Бил Гејтс и Ворен Бафет заедно, стана втората американска компанија која ја премина некогаш незамисливата линија од еден трилион долари. Сепак, овој пат причината за успехот е малку поинаква.
Всушност, Amazon зема по 49 центи за секој долар потрошен во е-трговијата во САД, вработува повеќе од 550.000 луѓе и генерира годишни приходи од 178 милијарди долари.
Продава сè и сешто – од компјутерски компоненти и мемориски простор до путер од кикирики, но она што отсекогаш било најмногу продавано на инвеститори, клиенти, медиумите – е возбудата, бидејќи во почетокот, Amazon беше првенствено нов возбудлив начин за онлајн купување на книги, пишува: “Њујорк тајмс”.
