Уствари викендов е затишје пред бура! ↓↓↓
Десетици илјади луѓе ширум Русија протестираат, барајќи ослободување на најголемиот непријател на Кремљ, лидерот на опозицијата Алексеј Навални. Нив не ги спречи ни бруталноста на руската полиција која апси, тепа, влече луѓе за нозе, за раце и ништо не ја запира во жестоката реакција кон протестирачите.
На социјалните мрежи се појавија снимки со вознемирувачка содржина, на кои се гледа како припадници на полицијата тепаат и приведуваат демонстранти во 120 градови во Русија.
Жесткое задержание в Петербурге. У протестующего разбита губа
Видео: Маша Борзунова / Дождь pic.twitter.com/hPb5Dp34mF
— Дождь (@tvrain) January 31, 2021
Тие храбро извикуваат „Путин е крадец“, „Путин е лажго“, додека полицијата тепа без намера да запре.
Police in Moscow using electric shock batons to detain a protestor. #navalnyprotests #Navalny #moscow #москва #31января pic.twitter.com/SOzOvoLn0o
— Daily from the Duma (@FromTheDuma) January 31, 2021
In St. Petersburg, security officials carried a man unconscious into a paddy wagon. On the street, five of them beat him with truncheons.#Russia #moscow #Putin #Navalny #navalnyprotests #HumanRights #RussiaProtests #protest #FreeRussia #FreeNalvany #russianow #StPetersburg pic.twitter.com/jLE0OFqCoa
— Freedom Today (@FreedomTodayNet) January 31, 2021
Демонстрациите за поддршка на приведениот руски опозициски лидер Алексеј Навални започнаа рано утрово на крајниот исток на Русија.
И покрај полицијата, која, според проценките на опозицијата, досега уапсила над 1.500 лица, вклучително и новинари, приврзаниците на Навални не се предаваат и им пркосат на властите и на Владимир Путин.
Петербург: журналиста Тимура Хаджибекова избивают прямо в жилете «Пресса»
Видео: Юлия Гильмшинаhttps://t.co/38nDtYmQjE pic.twitter.com/dht8ICAebf
— Медиазона (@mediazzzona) January 31, 2021
Навални беше приведен на 17 јануари, само неколку моменти откако слета во Москва од Берлин, по неколкумесечно лекување во Германија, кога беше отруен со нервниот агенс Новичок во август 2020 година.
Тој ја обвини руската влада за труењето, што Кремљ повеќе пати го демантираше.
Навални во моментов е во притвор воочи судското рочиште што го чека на 2 февруари, на кое судот ќе одлучи дали условната казна за обвинение за измама во случајот на проневера во 2014 година треба да се промени во затворска казна.
Поради планираните неовластени собири во центарот на Москва, воведени се бројни ограничувања, ограничено е движењето на пешаците, некои московски метро станици се затворени, паркирањето е ограничено, а продавниците, трговските центри и рестораните во близина на плоштадот Лубјанка се затворени.
Руските власти претходно ги повикаа граѓаните да не излегуваат на протести што не се одобрени од надлежните органи.
