Кој ќе тепа на Ел Класико!? ↓↓↓
Кристиано Роналдо синоќа во Лондон петти пат во кариерата беше избран за најдобар фудбалер во светот во изборот на Меѓународната фудбалска федерација (ФИФА).
Во изборот на ФИФА својот глас го даваат селекторите и капитените на репрезентациите кои се членки на светската куќа на фудбалот, како и новинари и фанови.
Македонскиот селектор Игор Ангеловски и капитенот на репрезентацијата Горан Пандев во изборот на ФИФА гласаа идентично. Двајцата пет поени му доделиле на Кристиано Роналдо, три на Лионел Меси и еден на Џанлуиџи Буфон.
Слично гласа и селекторотите и капитените на останатите репрезентации од регионот. Селекторот на Србија пет поени му доделил на Роналдо, три на Лука Модриќ и еден на Н’Голо Канте, а капитенот Бранислав Ивановиќ гласал за Роналдо, Меси и Нејмар.
Селекторот на Босна и Херцеговина, Мехмед Баждаревиќ гласал за Роналдо, Серхио Рамос и Буфон, а капитенот Един Џеко за Роналдо, Буфон и Меси.
Капитенот на Хрватска Лука Модирќ гласовите им ги доделил на соиграчите Роналдо (5), Тони Крос (1) и Меси (3), а екс селекторот Анте Чачиќ гласал за Роналдо, Модриќ и Меси.
Црногорците Љубиша Тумбаковиќ и Стеван Јоветиќ предност им дале на Меси и Нејмар, а Роналдо од нив добил по еден поен.
Сега веќе екс селекторот на Словенија, Среќко Катанец гласал за Роналдо, Меси и Нејмар, а капитенот Буштјан Цесар за Роналдо, Буфон и Нејмар.
Гласовите на сите селектори и капитенени може да ги видите ОВДЕ.
