Кејти Пери и Џастин Трудо повторно се појавија заедно на црвениот тепих, овојпат на галата „Бејби ту бејби“ за 2026 година, која се одржа во саботата вечер, на 14 ноември, во „Пацифик дизајн центар“ во Западен Холивуд, Калифорнија.
Пејачката, која има 42 години, и 54-годишниот поранешен премиер на Канада пристигнаа прегрнати на годишниот настан. Ова е нивно трето заедничко појавување на црвениот тепих откако ја започнаа врската пред повеќе од една година.
На настанот присуствуваше и постарата сестра на Кејти, Анџела Хадсон. Сестрите заедно беа гости на истата гала и во 2019 година.
На галата „Бејби ту бејби“ секоја година се собираат милиони долари за работата на организацијата со деца што живеат во сиромаштија. Настанот обединува познати личности, претприемачи и филантропи кои ја поддржуваат организацијата, а таа во изминатите 15 години поделила 850 милиони производи и неопходни предмети за деца на кои им е потребна помош низ САД.
Непрофитната организација „Бејби ту бејби“ ја основале Карис Џегер, Ли Мишел и Марни Овенс во 2006 година. Таа обезбедува пелени, облека и други основни потреби што ги заслужува секое дете.
Првите гласини за врската на Кејти и Џастин се појавија во јули 2025 година. Речиси една година подоцна, тие првпат се појавија како двојка на црвениот тепих, на премиерата на нејзиниот концертен филм „Кејти Пери: Турнејата Лајфтајмс“ на филмскиот фестивал „Трибека“.
Во септември повторно беа заедно на свеченото отворање на Музејот на наративна уметност „Лукас“.
Кејти неодамна го нарече Џастин „љубовта на мојот живот“ и рече дека тој е „најголемиот подарок“ од турнејата „Лајфтајмс“.
Извор: Just Jared
Учество во игри на среќа е дозволено за лица со 18+ години. Играј одговорно!