Жена од Флорида е уапсена под обвинение дека го убила своето момче, чие тело било пронајдено покрај контејнер во станбен комплекс, соопшти полицијата во Орландо.
Исидра Баутиста Ернандез е обвинета за убиство од втор степен во врска со смртта на мажот, кој бил пронајден во понеделникот, на 9 ноември, „под сомнителни околности“.
„Нашата специјална единица помогна при спроведувањето на налогот за претрес, додека детективите продолжија да работат на утврдување на идентитетот и пронаоѓање на осомниченото лице“, се наведува во полициското соопштение.
Истрагата довела до апсењето на Ернандез. Според евиденцијата во која увид имал Ју-Ес викли, таа во средата била примена во затворот во округот Оринџ.
На снимката што ја објавила полицијата се гледа како Ернандез со лисици на рацете ја спроведуваат до полициско патролно возило во Орландо.
Во судската евиденција во средата немало достапни информации за нејзиниот правен застапник.
Според телевизијата WOFL-TV, истражителите изјавиле дека Ернандез и нејзиното момче биле имигранти без документи за легален престој.
Полицијата не соопштила можен мотив за убиството. Засега не е познато ниту како починал мажот.
„Полициската управа во Орландо останува посветена на темелно истражување на насилните злосторства и на неуморна работа за откривање и апсење на одговорните“, соопштија од полицијата. „Нашите полицајци и детективи ќе продолжат да ја следат секоја трага за да обезбедат правда за жртвите и нивните семејства.“
Минатиот месец полицијата во Орландо го уапси поранешниот свршеник на Мишел Паркер, која се води како исчезната речиси 15 години, во врска со нејзиното исчезнување. Дејл Смит Помладиот беше уапсен на 14 октомври под обвинение за убиство од втор степен и се изјасни дека не е виновен.
Смит е обвинет дека ја убил Паркер, која исчезнала на истиот ден кога била емитувана епизода од реално шоу во која учествувале двајцата — на 17 ноември 2011 година.
Извор: US Weekly
Учество во игри на среќа е дозволено за лица со 18+ години. Играј одговорно!