Џејн Сејмур откри зошто не размислува да ја напушти Калифорнија, иако многу познати личности последниве години избираат живот подалеку од холивудските рефлектори.
„Навистина патувам низ целиот свет, но има нешто магично во местото каде што живееме, во Малибу, и во заедницата на која ѝ припаѓаме“, изјави 75-годишната актерка за Page Six.
За љубовта со својот партнер Џон Замбети, Сејмур зборуваше и на црвениот тепих на свеченоста за прием на нови членови во Куќата на славните на текстописците.
„Некој одлучи дека сака да го помине остатокот од животот со мене. Мојот пејач и текстописец“, изјави таа за Us.
Тогаш Сејмур сподели дека со нетрпение го очекува спојувањето на нивните две семејства, кои ги поврзува љубовта кон музиката. Актерката е мајка на шест деца: со третиот сопруг Дејвид Флин ги има ќерките Џени Флин, 46, и Кетрин Флин, 44, и синот Шон Флин, 41. Од бракот со поранешниот сопруг Џејмс Кич ги има близнаците Кристофер Стивен и Џони Стејси, 30, како и посинокот Кејлен Кич, 49. Нејзиниот свршеник Џон, 78, од првиот брак има две деца — Џони Замбети, фронтменот на The Palmers, и ќерката Кетрин Замбети.
„Заедно сме веќе три години“, рече таа со насмевка во разговорот за Us во јуни. „Во мојата куќа постојано има музика. Тој е пејач и текстописец. Неговиот син Џони Замбети е пејач и текстописец. И мојот син Џони Кич е пејач и текстописец.“
Извор: US Weekly
Учество во игри на среќа е дозволено за лица со 18+ години. Играј одговорно!