Панталони со балон-крој – тренд што стилски ве води во есенските денови

Август сè уште дише со своите последни жешки бранови, небото е обоено со златести зраци, а модата веќе шепоти дека доаѓа ново поглавје.

Есента не пристигнува одеднаш – прво ја чувствуваме во воздухот, потоа во нијансите околу нас, а на крајот и во ткаенините и кроевите што ги бираме. Токму во тој преоден моден момент на сцена стапуваат balloon панталоните – широки, но софистицирани, совршени за периодот помеѓу летните фустани и топлите есенски палта.

Можете да ги сретнете под различни имиња – balloon, genie, parachute – но ефектот секогаш е ист: аеродинамична, опуштена и ослободувачка силуета. Тоа е целосна спротивност на сите тесни и стегнати кроеви. Ако skinny фармерките симболизираа дисциплина и контрола, balloon панталоните слават слобода на движење и лежерен став. И не е изненадување што веќе ги освоија и TikTok фидовите и пистите на големите модни куќи.

Алаја ги постави темелите на нивното враќање, прикажувајќи ги во нежни тонови на беби-сина, пудра розова, снежно бела и класично црна. Комбинирани со топови што го истакнуваат струкот, настанува силуета која е и моќна и лесна. Хлое, пак, внесе доза романтика – проѕирни материјали, цветни шари, тантела – и ѝ даде на тенденцијата разиграна, женствена нота.

Овој крој може да се доживее и како игрива еволуција на barrel фармерките, кои минатата сезона беа апсолутен хит. Нивната “надуена” форма носи неочекуван карактер на секоја комбинација, а притоа се неверојатно удобни и лесни за носење. Тајната на добар стајлинг? Баланс. Горниот дел нека биде пократок или тесен – tube топ, crop маичка или тенка плетена блуза – за волуменот на панталоните да дојде до израз без да ја преплави целата силуета.

Летна варијанта? Tube топ + balloon панталони + платформи или clog сандали = инстант street style изглед. А кога ќе падне температурата, само додадете oversized плетиво врз бела маичка и добивате cozy, но сè уште stylish аутфит.

Кога станува збор за бои, пастелните нијанси сè уште владеат – панталони во butter yellow заедно со розова кошула изгледаат неженo, свежo и целосно Instagram-friendly. За оние кои сакаат земјени тонови, тука се беж, маслинесто зелена и топла теракота.

На крајот, balloon панталоните не се само тренд – тие се став. Ви дозволуваат слободно да се движите, да дишете со полни гради и да уживате во удобноста без да изгубите ни трошка стил. Совршени за оваа преодна сезона, тие ќе бидат вашиот моден сојузник додека полека зачекорувате во есента.