Најубавите блејзери за сезоната и како да ги носите од утро до вечер
Блејзерот е мост меѓу годишните времиња, различни пригоди, но и разноликите ликови на современата жена: професионалната, креативната, романтичната, динамичната.
Кога се носи на вистински начин, блејзерот станува модна изјава која трае многу подолго од една сезона. Тој е клучен парче во пролетната гардероба и оваа сезона се враќа посилен од кога било, подготвен повторно да дефинира што значи „стил со суштина“. Ако некогаш бил симбол на строгост и „сериозна облека“, денес е моќен алат за личен израз.
На модните писти за пролет/лето 2025 доминираат oversized кроеви, лесни ткаенини како лен и вискоза, интензивни бои (фуксија, лимета, темно сина), како и вечните неутрални нијанси (беж, сива, боја на песок). Посебен акцент има на деталите: релјефни копчиња, скратени должини, структуирани раменици – сè со цел да се врати динамичната женственост во модерен дух.
Блејзерот како незаменлив сојузник во текот на целиот ден
УТРО: „КАФЕ, СОСТАНОЦИ И… ГУЖВА ВО ГРАДОТ“
Што да изберете: Oversized ленен блејзер во природни нијанси (беж, крем) или во пастелна палета.
Како да го носите: Со фармерки или „cigarette“ панталони, бела маица и патики.
Стилинг трик: Завртете ги ракавите малку – ќе изгледа ненаметливо, а всушност ќе открие дека го познавате својот моден стил.
ПЛАДНЕ: „РУЧЕК СО ДРУГАРКА ИЛИ… НЕОБИЧЕН СОСТАНОК“
Што да изберете: Истото сако (бидејќи кој има време за два различни?), но комбинирано со сатенски топ и килоти или бермуди.
Како да го носите: Отворено и опуштено, како да не ви е важно, а сепак ви е многу важно.
Стилинг трик: Додадете впечатливи обетки или марама.
ПОПЛАДНЕ: HAPPY HOUR И „НЕПЛАНИРАНО ПОСЛЕРАБОТНО“
Што да изберете: Ако сакате да внесете доза на гламур, заменете ги панталоните со „slip“ фустан и носете го блејзерот како лесна јакна.
Како да го носите: Префлен преку рамена. Ако не ви стои природно и ви пречи, носете го на класичен начин.
Стилинг трик: Појас околу струкот за ефектот „знам што ми стои“.
ВЕЧЕР – „ПРОЛЕТНИТЕ ДЕНОВИ СЕ ТОПЛИ, НО НОЌИТЕ НЕПРЕДВИДЛИВИ“
Што да изберете: Црн или пругаст блејзер со нагласени раменици или со glossy ефект (да, 80-тите се враќаат).
Како да го носите: Со чипкан топ, „cigarette“ панталони и штикли. Или, за посмелите – само блејзер и шорцеви што не се гледаат.
Стилинг трик: Црвен кармин. Ако немате време за шминка, ставете само интензивен кармин – сите ќе помислат дека е тоа дел од целиот изглед. И ќе бидат во право.
Блејзерот не е само облека – тој е став, расположение и моќна изјава што ве следи од раните утрински часови па сè до доцна вечерта. Во галеријата ќе го најдете нашиот избор на најубавите блејзери за оваа сезона.
