Доколку сте подготвени да внесете безгрижна слобода и автентичен дух од седумдесеттите години во својот изглед, сега е вистинскиот момент за тоа — бидејќи модата оваа сезона станува најсилното средство за изразување.
Трендовите оваа сезона се навраќаат кон минатото и го враќаат на сцената лежерниот стил со елеганција и ослободена енергија што го одбележа легендарното десетлетие — седумдесеттите. Вдахновена од сè погласното враќање на бохо шик естетиката, предводено од уметничката насока на Шемен Камали во модната куќа Клое, актуелната модна слика ги слави носталгичните детали преку современа призма.
Тексас панталоните со клински крој се вратија во центарот на модниот интерес како клучен џинс парче за сезоната — тие носат став, карактер и ретро гламур. Ресите, понекогаш дискретни, понекогаш драматични, се присутни насекаде и внесуваат движење и боемска разиграност во секој стајлинг. Долгите, лесни фустани со природни мотиви, комбинирани во слоеви со елеци и појаси, го отсликуваат духот на слободата, додека впечатливите очила за сонце и широките шешири додаваат ретро шик заводливост. Севкупниот изглед го заокружуваат платформите и дрвените потпетици, кои ја спојуваат носталгијата со современоста, додавајќи висина и карактер на секој стајлинг.
Ако чувствувате потреба да го канализирате духот на слободата и непринуденоста од седумдесеттите во вашата гардероба — сега е вистинското време за тоа. Сезоната ви нуди идеални алатки да го сторите тоа — со стил.
