Загубите кои ги предизвика заглавениот „Евер Гивен“ можат да достигнат една милијарда долари

Директорот на Суецкиот канал, египетскиот адмирал Осама Раби, изјави дека финансиската загуба поради заглавениот џиновски товарен брод „Еver given“ може да достигне милијарда долари.

„Износот, штетата и загубите, односно колку пари отидоа во копање и влечење, сè уште не се пресметани, проценката е можеби повеќе од милијарда долари“, рече Осама Раби, пренесува Ројтерс.

Бродот „Ever given“ беше заглавен во Суецкиот канал скоро една недела, а беше oслободен во понеделникот.